لا للمحاكمات العسكرية للمدنيين .. نعم للعفو الشامل عن كل المعتقلين

وقفه لمجموعة لا للمحاكمات العسكرية

معظم المحاكمين عسكريا بيكون متلفقلهم ثم جنائية عشان ميبقاش اسمهم معتقلين سياسيين, مثلا علي غنيم راح يتضامن اتهموه بالاعتداء على الجيش.

علي الحلبي كان بيرسم على الحيطة اتحاكم عسكري بتهمة الأعتداء على منشأة عسكرية, كده علي المفروض بلطجي ده تعدي على الجيش!!

مش بعد أكتر من 16 شهر مع المحاكمات العسكريه لسة هنوضح أننا بندافع عن المبدأ حتى لو كان قدرنا نتضامن مع اوسخ الناس, والمبدأ لا للمحاكمات العسكرية لأي مدني.

تضامنا مع مايكل نبيل عشان المبدأ بـالرغم من رفض معظمنا لاراءه وافكاره, وتضامنا مع البلطجية اللي ولا عمرنا شوفنا واحد فيهم برضه عشان المبدأ.

المبدأ مش بيديلنا رفاهية الأختيار, التضامن مع الكل فرض, لا لمحاكمة أي مدني امام قضاء عسكري بيسلبه كل حقوقه كإنسان ليه الحق في قضاء عادل.

Categories:   ثورة مصر

Comments

Leave a Reply