شخص ما يكتب: سلملنا بقي ع التروماي ..

الحمد لله احنا بلدنا من اقوي البلاد في العالم .. سلطاتها متماسكة وقوية .. بلد مؤسسات وكل يؤدي واجبة بصدق وإخلاص.

عندنا 3 سلطات وسلطة رابعة بتتمحك فيهم.

1- سلطة قضائية تتمثل في قضاء مسيس لا يعرف أي شيء عن العدل والحيادية يصدر احكامة بقرارات “سيادية” ونعرف الحكم قبل أن يصدر من مصدر “مطلع” فيطلعنا علي ما أمر أسيادة، وتحكم بقوانين مفصلة تفصيلا علي احدهم و ظالمة للآخر أو ترمي الأوراق في الإدراج سنين لأن الأوامر لم تصل من السيد الأستاذ الدكتور عظم الله أجره وآثابة.

2- سلطة تنفيذية .. إه والله تنفيذية بس مفيش حد يعرف هي مين علي رأسها !! المجلس العسكري ولا مرسي؟ .. أو تقريبا مقسمينها بينهم، وحكومة ولا تعرف أي حاجة عن البلد وبتورطها كل يوم في بلاوي، اقتصاد ضايع وخدمات مش موجودة وعيش مش لاقينة وجاز وبنزين بيترمي في الصحرا والطوابير موقفة البلد، بس أكيد فايزة ابو النجا نيتها خير ومش قصدة حاجة، ربنا يكرمها زي ما كرم سليمان الحلبي.

3- سلطة تشريعية ورقابية … والله المثل بيقول .. أسعي يا عبد وأنا أسعي معاك .. سعينا وجرينا وانتخبنا ولبسنا برلمان متهالك ضعيف منزوع السلطات وباضافات التفاهة والضحك والفضايح والهيافة .. بعد عن مشاكل الناس وانشغل بقضايا ابعد ما يكون عن الشارع.
وبعدها العسكر قرروا حل البرلمان .. جه مرسي رجعوا .. راحت الدستورية حلته .. ويا عيني ع المجنونة يابا يابا ع اللمونة .. وادي رقصة المجنونة … اللي احنا بنرقصها وولا فاهمين حاجة غير أننا بنجري ورإ اللمونة والسلطات التلاتة بيلعبوا بينا.

نوصل للسلطة الرابعة … الإعلام … رد انت بقي يا حسين يمكن يفهموا .

Posted with WordPress for BlackBerry.

Categories:   هلفطة شخصية

Comments

Leave a Reply