خواطر تائه من الربيع العربي

بما أن فات أربع سنين علي بداية الثورات العربية، حابب أفضفض شوية وأفكر بصوت عالي لأني والله ما بقيت عارف انا حاسس ايه ولا عايز إيه.

رعب داعش في مواجهة الأنظمة الاستبدادية، وكل الشعوب في النص بيتداس عليها.

طب دلوقتي أكمل مشواري ضد الأنظمة وسعيا للحرية والديمقراطية بالتوازي مع وقفتي ضد داعش؟

بس أنا مش مسلح، والنظام اللي معاه السلاح ويقدر يواجهها، بس النظام فاشل، والدنيا بتخرب وماشيين بخطى ثابتة علي طريق الحرب الأهلية.

طب ايه العمل؟ ولا عارف.

هنستفيد من خبراتنا في اللي جي ولا هنقعد نبكي علي اللي فات؟

طب هننجح في حياتنا الشخصية؟ ولا هتفضل مرتبطة بالفشل العام؟

ما طبعا لو الوضع استمر كده عمرنا ماهننجح في أي شئ شخصي والبلد كلها بتتحرق.

مش عارف.

حزين علي أيام ما كان الموقف واضح والقرار حاسم وفشلنا، تقريبا الفرصة مش هتيجي تاني في حياتنا.

كريم فريد: أربع سنوات على الربيع العربي

Categories:   خواطر

Comments

Leave a Reply